حوار مضحك.....التلفون برن

بسم الله الرحمن الرحيم
التلفون يرن ...
الطفلة : الوووو
المرأة : الووو مرحبا
الطفلة : اهلين
المرأة : وين الوالدة ؟
الطفلة : ما في عنا وحدة والدة
المرأة : لا لا عيب عليك لا سمح الله الله يخليلكون ياها
الطفلة : وشو لا سمح الله ما لا سمح الله عم قلك ما في عنا والدة
المرأة : قديش عمرك يا شاطرة ؟؟
الطفلة : وشلون عرفتي إني شاطرة !!
المرأة : تضحك وتقول مبين عليك خفيفة دم
الطفلة : إنتي يلي خفيفة دم لا تقولي عني هيك
المرأة : مبين عليك صغيرة ؟
الطفلة : أنا أطول منك..
المرأة : طيب يلا اعطيني ماما.
الطفلة : ليش هي امك عنا؟
المرأة : خلص نادي امك.
الطفلة : أمي ما عندها نادي.
المرأة : الله يصبرني.
الطفلة : يصبرك مع شوك ولا بدون شوك؟
المرأة : تصرخ " اعطيني حدا كبير"
الطفلة : كبير , بالحجم ولا بالطول ولا بالعمر.
المرأة : اعطيني واحد برميل احكي معو.
الطفلة : استغفر الله العظيم بدك تحكي مع برميل. بس البرميل جماد.
المرأة : انا جاي لعندك . اعطيني حدا كبير.
الطفلة : لا تجي لعندي لأن رفقاتي عندي لما يروحو تعي.
المرأة : طيب بس لو شوفيك حتى سوي منك بطاطا
الطفلة : بطاطا مسلوقة ولا شوي بالفرن ؟
المرأة : احسنلك ي لانك زعلتيني.
الطفله : مين الي زعل تيني وليش التين اصلا بيزعل؟
المرأة :خلص زودتيها عاد.
الطفلة : وين عاد لـ بيتو ؟ ولا عاد ولا مات كخخخ حلوه هي
المرأة : عاد لـ بيتو .مستانسه.
الطفلة : الصراحة مش مستانسه.. في شي مزعلني.
المرأة : خليه يزعلك يمكن تنفجري مثل البالون.
الطفلة : شو لون البالون يلي بنفجر متلو ؟
المرأة : تصرخ باعلى صوتها.. " وين الوالــــــدة ؟؟؟ "..
فتأخذ الأم التلفون من الطفلة .
وتقول الووووو. مين معي.
المرأة : ولي علينا . شو هالبنت هاي طلعتلي قرن براسي.
الأم : قرن شو , قرن الغزال ولا قرن موز.
المرأة : دايما رايقة وبتحبي تمزحي . لا طلعتلي قرن ثور .
الأم : شو حجمه الثور؟
المرأة تغلق السماعة.وتذهب إلى بيت صديقتها.. ترن الجرس.
فتقول الأم للطفلة : قومي شوفي مين على الباب.
تركض الطفلة نحو الباب , تجلب كرسي وتصعد عليه ثم تنظر إلى أعلى الباب وتقول ما في حدا على الباب في وحده وراه ..
فتقول الأم : خلص خليها ترن على الجرس متل ما بدها..
الطفلة : أي جرس؟ جرس المدرسة؟
الأم : لا جرس البيت..
الطفلة : جرس بيتنا هاد ولا البيت الجديد يلي بنيناه
الأم : لا جرس بيت الجيران.
الطفلة : ليش في عند الجيران جرس وحول واركب على الفرس
منقووووووووووووووووووووووووووووووول

تحياتي

ههههه ..

يسلمو ع الطرح ..